नेपालको जीतमा सन्दीप बने ‘म्यान अफ द म्याच’
![नेपालको जीतमा सन्दीप बने ‘म्यान अफ द म्याच’](https://www.sadakmedia.com/wp-content/uploads/2021/09/Nepali-Cricket.jpg)
काठमाण्डाै : पहिलाे एकदिवसीय क्रिकेटमा नेपालले पपुवा न्युगिनी (पीएनजी) लाइ पराजित गरेकाे छ । ओमानको अल अमिरात क्रिकेट मैदान भएको खेलमा नेपाल पीएनजीसँग दुई विकेटले विजयी भएकाे छ ।
![](https://www.sadakmedia.com/wp-content/uploads/2021/09/241480781_1951967848299495_5329958255220251231_n.jpg)
पीएनजीले दिएकाे एक सय ३५ रनकाे लक्ष्य नेपालले ३९ ओभर ३ बलमा आठ विकेट गुमाएर भेटाएकाे हाे । नेपालका जीतमा राेहित पाैडेलले सर्वाधिक ४१ रन बनाए । त्यस्तै आशिफ शेखले ३०, कुशल भुर्तेलले १५ र साेमपाल कामीले अविजित २२ रन बनाए । ८२ रनमा सात विकेट गुमेकाे अवस्थामा राेहित पाैडेलले र साेमपाल कामीले ५२ रनकाे साझेदारी गरे ।
![](https://www.sadakmedia.com/wp-content/uploads/2021/09/241324573_1951967314966215_8619061136061934943_n.jpg)
बलिङतर्फ पीएनजीका गाैडी टाेकाले तीन विकेट लिए । त्यस्तै दमेन राभु र चाद साेपरले दुई–दुई विकेट लिए । यसअघि टस जितेर ब्याटिङ गरेको पीएनजीले ३३ ओभरमा अलआउट हुँदै एक सय ३४ रन बनायो । पीएनजीका लागि लेगा सिकाले ३०, चार्लेस अमिनीले २३ र गौदी टोकाले २२ रन बनाए ।
![](https://www.sadakmedia.com/wp-content/uploads/2021/09/241447627_1951967084966238_2288639213106545499_n.jpg)
बलिङतर्फ नेपालका सन्दीप लामिछानेले चार विकेट लिए । म्यान अफ द म्याच समेत भएका लामिछानेले १० ओभर बलिङ गर्दै ३५ रन दिएएर महत्वपूर्ण ४ विकेट लिएका हुन् । त्यस्तै विक्रम सोब र कुशल मल्लले दुई–दुई विकेट लिए । सोमपाल कामीले एक विकेट लिए । नेपाल र पीएनजीले दुई खेलको एकदिवसीय शृङ्खला खेल्न लागेका हुन् ।