नेपाल पुगेपछि सन्दीपले भने “कथा सकिएको छैन, विस्तारै शुरु हुँदै छ”
![नेपाल पुगेपछि सन्दीपले भने “कथा सकिएको छैन, विस्तारै शुरु हुँदै छ”](https://www.sadakmedia.com/wp-content/uploads/2020/11/sandeep-lami.jpg)
विश्व चर्चित टि २० क्रिकेट लिग इण्डियन प्रिमियर लिग आइपिएलकाे प्लेइङ ११ मा माैका बनाउन नसकेका सन्दीपकाे अबकाे क्रिकेट भविस्यलाई लिएर टिकाटिप्पणीहरू भइरहेका छन् । आइपीएलमा दिल्लीले नखेलाएपछि धेरैले अन्य लिगहरूमा पनि प्रभाव पर्ने अड्कलबाजी गरिरहेका बेला सन्दीपले भने कथा नसकिएकाे बताएका छन् । उनले ट्वीट गर्दै भनेका छन् “कथा सकिएको छैन, विस्तारै शुरु हुँदै छ ।”
आइपीएल खेल्न यूएई पुगेका नेपाली राष्ट्रिय क्रिकेट टिमका लेग स्पीनर सन्दीप लामिछाने नेपाल फर्किएका छन् । क्यारेबियन प्रिमियर लिग (सिपिएल) खेल्न वेष्ट इन्डिज पुगेका लामिछाने उतैबाट दुबइ पुगेका थिए । उनि बिहिबार बिहान नेपाल आइपुगेका हुन् ।
क्यारेबियन लिग सकेर उनी त्यतैबाट आइपीएलका लागि यूएई पूगेका थिए । उनलाई (आईपीएल)का लागि दिल्ली क्यापिटल्सले लगातार दोस्रो पटक टिममा अनुबन्ध गरेको थियो ।
आईपीएलको १३ औं सिजनमा राम्राे प्रदर्शन गर्ने अपेक्षा गरिएका लामिछानेलाई उनी आबद्ध टीम दिल्लीले कुनै खेलमा पनि माैका दिएन । मुम्बईसँग ५ विकेटले पराजित हुँदै उपविजेतामा चित्त बुझाएकाे दिल्लीले कुनै खेलमा पनि प्लेइङ ११ मा माैका नदिएपछि सन्दीपका समर्थकहरू निरास भएका छन् ।