विश्वलाई ८ करोड डोज कोरोना खोप दिने अमेरिकाका राष्ट्रपतिको घोषणा
अमेरिकी राष्ट्रपति जो बाइडेनले ६ सातामा विश्वका विभिन्न मुलुकलाई कोरोनाविरूद्धको ८ करोड डोज खोप दिने घोषणा गरेका छन्।
अमेरिकाका राष्ट्रपति बाइडेनले सोमबार थप दुई करोड डोज खोप पनि दिने बताएका हुन्। यसअघि नै अक्सफोर्ड/अष्ट्राजेनेकाले बनाएको ६ करोड खोप अरू मुलुकलाई दिने बताएका थिए ।
बाइडेनले अमेरिकाले अब रूस र चीनले भन्दा बढी खोप अरू मुलुकलाई दिने र खोपको बदलामा मित्र राष्ट्रहरूसँग कुनै ‘सहयोग’ नमाग्ने बताए। बाइडेनले गत साता संसारका ४० प्रतिशत देशबाट नेताहरूले खोपको लागि आफ्नो प्रशासनलाई सम्पर्क गरेको बताएका थिए।
In the battle against the COVID-19 pandemic, our nation is going to be the arsenal of vaccines for the rest of the world. pic.twitter.com/LwU7Olic2V
— Joe Biden (@JoeBiden) May 18, 2021
