जसपा कसैको पुच्छर बन्दैन, आफैँ नेतृत्व गर्छ – डा. भट्टराई
जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले आफ्नो पार्टी कसैको पुच्छर नभएको बताएका छन् ।
सत्ता समीकरणका सम्बन्धमा जसपाको भूमिका के हुने ? भन्ने प्रश्नले महत्व राखिरहेको सन्दर्भमा भट्टराईले आफ्नो पार्टी देशको नेतृत्व गर्ने शक्ति भएको पनि प्रष्ट पारेका छन् ।
उनले ट्विट् गर्दै जसपाले गणतन्त्र, संघीयता, धर्मनिरपेक्षता र समावेशी लोकतन्त्रविरुद्ध कसैसँग सम्झौता नगर्ने पनि उल्लेख गरेका छन् ।
जसपाबारे जान्नैपर्ने कुरा:१.यो तासको जोकर वा सत्तारूपी जुवाको खालको च्यॅाखेदाउ थाप्ने खेलाडी हैन;बरू परम्परागत राजनीतिको अग्रगामी विकल्प हो!२.गणतन्त्र,.संघीयता,धर्मनिरपेक्षता र समावेसी लोकतन्त्र विरूद्ध कसैसंग सम्झौता गर्दैन;३.यो कसैको पुच्छर हैन,आफै देशको नेतृत्व गर्ने शक्ति हो।
— Baburam Bhattarai (@brb1954) March 13, 2021
