मंगलसेन नगरपालिका १३ वस्तीमा योजना सम्झौता तथा कार्यान्वयन सम्वन्धि अनुशिक्षण गराईयो
अछाम १३ पौषःयोजना सम्झौता तथा कार्यान्वयन सम्वन्धि अनुशिक्षण कार्यक्रम मंगलसेन नगरपालिका १३ बस्तीमा सम्पन्न भएको छ । मंगलसेन नगरपालिकाको आयोजना तथा वडा कार्यालयको समन्वयमा कार्यक्रम गरिएको हो ।
वडा अध्यक्ष प्रेम बहादुर थापाको अध्यक्षतामा भएको कार्यक्रममा उपभोक्ता समितिका पदाधिकारीहरुलाई योजना कार्यान्वयनमा देखिने अन्यौलताबारे प्रष्ट पारिनुका साथै
सम्झौता प्रक्रिया देखी भुक्तानी प्रक्रिया सम्मका विभिन्न चरण तथा अनलाईन योजना सम्झौता र सफ्टवेयरबारे पनि जानकारी गराईएको थियो । अनलाईन मार्फत योजना सम्झौता कार्य गरिदा उपभोक्ता समितिहरुलाई नगरपालिकामा पुग्नुपर्ने झन्झटको अन्त्य हुने भन्दै उपभोक्ताहरु खुसी भएका जनाईएको छ ।
नगरपालिकाको योजना शाखाका नन्दराज ढुंगाना र झनक अधिकारीले सहजिकरण गर्नुभएको अनुशिक्षण कार्यक्रममा वडामा गठित सबै उपभोक्ता समिति पदाधिकारीहरुको सहभागिता रहेको थियो । कार्यक्रमको संचालन वडा सचिव डण्डी प्रसाद ढुंगानाले गर्नुभएको थियो ।
सोही कार्यक्रम भाोलि १ र २ नम्वर वडामा गरिने नगरपालिकाले जनाएको छ ।
