मंगलसेन न•पा कार्यालय नजिकै एक घरमा आगलागी हुँदा घर पुर्ण रूपमा जलेर नस्ट ,प्रहरी द्वारा आगो नियन्त्रण
मंगलसेन सदरमुकाम नजिकैको एक घरमा आगलागी हुँदा घर पुर्णरूपमा जलेर नस्ट भएको छ । मंगलसेन नगरपालिकाको कार्यालय नजिकै घरमा आगलागी हुँदा मंगलसेन नगरपालिका बेखबर बनेको स्थानीयले गुनासो गरेकाछ्न ।
आगलागी भएर घर नै ध्वस्त भइराख्दा पनि नगरपालिकाले दमकल नपठाएपछी आगो फैलिएर घर नै ध्वस्त बनेको पीडितको भनाइ छ ।
मंगलसेन नगरपालिका वडा नम्बर ५ निवासी नारायण प्रसाद ढुंगानाको घरमा ग्यास पट्किदा अचानक आगलागी हुँदा उनको घर र घरमा रहेका सरसामान जलेर नष्ट भएको प्रहरीले जनाएको छ ।
यता मंगलसेन नगरपालिका नगर प्रमुख पदम बहादुर बोहराले दमकल बिग्रेको कारण पठाउन नसकिएको बताए । बिग्रेको दमकल लाई तत्काल मर्मत गर्न निर्देशन दिसकेको समेत बताए ।
आगलागी नेपाल प्रहरी,नेपाली सेना र स्थानीयको
सहयोगमा आगो नियन्त्रणमा लिएको जिल्ला प्रहरी कार्यालय अछामका प्रमुख प्रहरी नायब उपरीक्षक नारायण डाङीले जानकारी दिए।
आगलागी भएको ५ मिनेटमै नेपाल प्रहरीको टोलि घटनास्थलमा पुगेको थियो । ज्यान जोखिममा राखेर प्रहरीको टोलिले आगो नियन्त्रणमा लिएको थियो ।
आगलागी भएको घर नजिकै नेपाल रेडक्रस र मंगलसेन नगरपालिका कार्यालय छन।
