कमलबजारमा संचालन भएको शिविरले नगरवासीको स्वास्थ्यमा सुधार ल्याउने नगर प्रमुख ढकालको विश्वास
कमलबजार नगरपालिका अछामको आयोजना तथा काठमाडौं मेडिकल कलेज शिक्षण अस्पतालको प्राविधिक सहयोगमा फागुन १० र ११ गते सञ्चालन गरिएको २ दिने एकीकृत बृहत निःशुल्क स्वास्थ्य शिविरको एक कार्यक्रमका बीच समापन गरिएको छ । शिविर बाट २२ ०० जनाले स्वास्थ्य जाच र उपचार गरेका छन् भने ९८ जना विभिन्न रोगका बिरामी हरुलाइ काठमाडौ रेफर गरिएको हो ।
शिविर बाट काठमाडौ रेफर गरिएका बिरामी हरुलाइ पहिलो प्राथमिकतामा राखेर निशुल्क उपचार र सल्यक्रिया गरिने काठमाडौं मेडिकल कलेजका मेनेजर नारायण दाहालले बताउनुभयो ।
बिरामी हरुले अनिवार्य रूपमा कुरुवा ल्याउनुपर्ने पनि बताउनुभयो ।
ग्रामीण भेगमा आएर जनतालाई सेवा गर्ने अवसर प्राप्त भएकोमा खुशी व्यक्त गर्नुभयो । आफू हरु जुन उदेश्य र लक्ष्य बोकि अछाम जिल्लामा आएका थियौं त्यो पूरा भएको छ उनले भने ।
शिविरमा आएर स्वास्थ्य जाच गराउनु हुने सम्पुर्ण लाई धन्यवाद ज्ञापन गर्नुभयो । नगरपालिकाले संचालन गरेको स्वास्थ्य शिविरले नगरवासीको स्वास्थ्यमा सुधार ल्याउने विश्वास व्यक्त गरे।
सामान्य उपचारका लागी पनि लाखौं रुपैया खर्च गरेर जिल्ला बाहिर जान नपरोस् भनेर शिविर संचालन गरेको बताए ।
नगरवासीको स्वास्थ्य लाई ध्यानमा राखी आगामी दिनहरूमा पनि यस्ता शिविर हरु नगरपालिकाले संचालन गर्ने बताउनुभयो । साथै नगर प्रमुख ढकालले रेफर गरिएका बिरामी हरुलाइ काठमाडौ सम्मको यातायातको व्यवस्था समेत नगरपालिकाले गर्ने बताउनुभयो ।
समापन कार्यक्रममा नगर उपप्रमुख सारदा बिष्ट ,कुवरले शिविर सफल रूपमा सम्पन्न गर्नुहुने सम्पुर्ण लाइ धन्यवाद व्यक्त गर्नुभयो । उक्त कार्यक्रमको संचालन कमलबजार नगरपालिका स्वास्थ्य शाखा प्रमुख चक्र बिष्टले गर्नुभएको थियो ।
