छाउगोठमा सुतिरहेको अवस्थामा ढुंगा लागेर दुई जनाको मृत्यु , एक जना घाइते
अछाम १३ भदौ ।
अछाममा छाउगोठमा सुतिरहेको अवस्थामा ढुंगा लागेर दुई जनाको घटना स्थलमै मृत्यु भएको छ ।
जिल्लाको पञ्चदेवल विनायक नगरपालिका – ८ सेलापानीस्थित चुरखोली टोल बस्ने श्री खनालको श्रीमती ३५ वर्षिय निम खनाल र मंगलसेन नगरपालिका -०६ निवासी गोरे भण्डारीकी ७ वर्षकि छोरी कविता भण्डारी घर नजिकै अन्दाजी ५० मिटर टाढा खेतवारीमा त्रिपाल टाँगी सुतिरहेको अवस्थामा टहराभन्दा माथि भीरबाट अविरल वर्षाका कारण खसेको ढुङ्गा लागेर घटना स्थलमै मृत्युु भएको हो ।
त्यस्तै त्रिपाल टाँगी सुतिरहेकै अवस्थामा गोरे भण्डारी की ३६ वर्षिय श्रीमती रत्ना भण्डारी गम्भीर घाइते भएकि जिल्ला प्रहरी कार्यालय अछामका प्रमुख प्रहरी नायब उपरीक्षक ओमप्रकाश खनालले जानकारी दिनुभयो ।
निम र रत्ना दुबै महिला महिनावारी भएको समयमा घरदेखि टाढा खेतबारीमा त्रिपाल टाँगेर सुतेको अवस्थामा घट्ना भएको भएको हो।
मंगलसेन नगरपालिका -०६ निवासी भण्डारीको परिवार केहि महिना देखी कामको सिलसिलामा ससुरालीमा बस्दै आएको थियो ।घाइतेको उपचारको लागि स्थानीय स्वास्थ्य चौकी बारला पठाइएको छ । शुक्रबार बिहान ५:३० बजेको समयमा उक्त घटना घटेको र घटनास्थलमा अनुसन्धान तथा कानूनी प्रक्रियाको लागि जिल्ला प्रहरी कार्यालय अछामबाट प्रहरी निरीक्षक टेक बहादुर देउवाको कमाण्डमा टोलि खटिएको प्रनाउ खनालले बताउनुभयो ।
