छाउपडी प्रथा हटाउन सारा मोडेल

नेपाल प्रहरीले सन् २०१८ अक्टोबरदेखि सुरु गरेको समुदाय–प्रहरी साझेदारी (सीपीपी) कार्यक्रमअन्तर्गत अछाम जिल्लाको चौरपाटी गाउँपालिकाको मार्कु गाउँमा महिलामाथि महिनावारीका कारण हुने सामाजिक बहिष्कार र हिंसा अन्त्य गर्न दीर्घकालीन अभियान सञ्चालन गरेको थियो । परियोजना सुरु हुनुअघि उक्त गाउँमा ८५ वटा छाउगोठ थिए । अन्धविश्वास र धार्मिक डरका कारण महिलाहरू महिनावारी हुँदा ४ दिन र पहिलोपटक महिनावारी हुँदा बढीमा १५ दिनसम्म गोठ वा झुपडीमा अलग बस्न बाध्य पारिन्थ्यो । सन् २००९ देखि २०१८ सम्म अछाममा मात्रै छाउपडीका कारण १४ महिलाको मृत्यु भएको प्रहरी तथ्यांकमा उल्लेख छ ।

प्रहरीले मार्कु गाउँमा रहेको छाउपडी प्रथालाई हटाउन समस्यामुखी प्रहरी सेवाको सिद्धान्तमा आधारित ‘सारा’ (स्क्यानिङ, विश्लेषण, प्रतिक्रिया र मूल्याङ्कन) मोडेल अपनाएको थियो । प्रारम्भमा जिल्ला प्रहरी कार्यालय अछामले सबै स्थानीय तहसँग सम्झौता–पत्र गर्दै छाउपडी प्रथा अन्त्यलाई प्राथमिक कार्यसूची बनाएको थियो । त्यसपछि प्रहरीले समुदायका मूल्य मान्यता, कानुनी आधार, खर्च र दीर्घकालीन रुपमा समस्या समाधान गर्न ‘सफ्ट इम्प्लिमेन्टेसन एन्ड कन्टिनुअस अवेयरनेस एन्ड मोनिटरिङ’ संयोजन गर्ने रणनीति लागू गरेको थियो ।

प्रहरीको यस कार्यक्रमअन्तर्गत सन् २०१९ मा मार्कुमा रहेका सबै ८५ वटा छाउगोठ भत्काइएका थिए । प्रहरीका अनुसार पछिल्ला ६ वर्षमा गाउँमा कुनै पनि गोठ पुनःनिर्माण भएको छैन । त्यस्तै, २ सय ८७ वटा सामुदायिक सचेतना कार्यक्रम, २७ वटा विद्यालय–सम्पर्क कार्यक्रम र ७ सय ३० वा प्रहरी–सामुदायिक गस्ती सञ्चालन भएका छन् । यी गस्तीमार्फत करिब १३ हजार ८ सय ५० किलोमिटर क्षेत्र कभर गर्दै करिब ३० हजारभन्दा बढी स्थानीयसँग प्रत्यक्ष संवाद भएको छ । २२ वटा सार्वजनिक सुनुवाइ कार्यक्रम र नियमित बैठकबाट योजनाको पारदर्शिता र स्थानीय सहभागिता सुनिश्चित गरिएको छ ।

परियोजनामा १ सय ३४ जना प्रहरी र करिब ७० संस्थाहरू सहकार्य गरेका थिए । यस अवधिमा मार्कुमा छाउपडी प्रथाका कारण कुनै मृत्यु वा अन्य घटना भएका छैनन् ।

ekantipur.com बाट 

सिफारिस

जैसरादेवी स्मृति युवा क्लबद्वारा आयोजित खुला क्रिकेट प्रतियोगिता – सिजन ५ को उद्घाटन

जैसरादेवी स्मृति युवा क्लबले असोज २४ गते गर्ने खुला क्रिकेट प्रतियोगिता–सिजन ५ को सम्पुर्ण तयारी पुरा 

कांग्रेसका महाधिवेशन तथा महासमिति सदस्यहरुको बृहत छलफल ,पार्टी एक ढिक्का हुन् सन्देश  

युवा नेता शाहीको सन्देश बृहत्तर एकता र आत्मसमिक्षा , स्पष्ट प्रतिबद्दता गरौं

अछाम जिल्लामा निषेधाज्ञा तथा कर्फ्यु हटाइयो

राजीनामा दिन्न, मलाई मारी दिनुहोस् र आन्दोलनकारीमाथि मेरो हत्याको आरोप लगाइ दिनुहोस् : राष्ट्रपति