गजल ः शिशिर भट्टराई
![Avatar photo](https://www.sadakmedia.com/wp-content/uploads/2021/02/SADAK-LOGO-3-60x60.png)
सडक मिडिया
चैत्र ३, २०७६ ०८:३०:३५ • ७१८ पटक पढिएको
![गजल ः शिशिर भट्टराई](https://www.sadakmedia.com/wp-content/uploads/2020/03/67893319_2859679254107497_7331171675741880320_n.jpg)
आफन्तले चढाउँछन्, आफन्तैले खसाउँछन्
छुट्नुपर्छ भनेपछि उनका आँखा रसाउँछन्
उमेर बढ्दा टाढा हुने मेरो आफ्नै अनुभव छ
बालक छँदा माया गर्न छाती सँगै टसाउँछन्
जूनतारा दिन्छु भन्लान्, सधैँभरि ख्याल राख्नू
कुरा कथ्न जान्नेले त सिंहासनमै बसाउँछन्
ठूलो निधार छ भन्दैमा भाग्य हुन्न याद राख्नू
हातमा ठेला हुनेले पो जिन्दगीभर हँसाउँछन्
मुटु साट्छु भन्न सक्छन्, असम्भव भनिदिनू
मिठो चारो देखाएर चरी जालमा फसाउँछन्