छोरीलाई बलात्कार गरेको आरोपमा बाबु पक्राउ
अछाम : अछाममा आफ्नै छोरी बलात्कार गरेको आरोपमा प्रहरीले एकजनालाई पक्राउ गरेको छ । आफ्नै १२ वर्षीया छोरीलाई मदिरा सेवन गरेर बलात्कार गरेको आरोपमा ३५ वर्षीय पुरुषलाई प्रहरीले पक्राउ गरेको हो ।
घरमा कोही नभएकोबेला आफ्नै घर भित्र ति पुरुषले आफ्नो सहोदर छोरीलाई बलात्कार गरेको जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जानकारी दिए ।
प्रनाउ पाठकका अनुसार ती पुरुषले फागुन २६ गते शनिबार दिउँसो घरमा कोही नभएको मौका छोपी छोरीलाई जवरजस्ती करणी गरेका थिए ।
‘बलात्कार गरेको थाहा पाएपछि पीडित बालिकाको आमाले प्रहरी लाई खबर गरेकी थिइन ।
ती पुरुषमाथि जबरजस्ती करणी मुद्दा दर्ता भई घटनाबारे थप अनुसन्धान थालिएको अछाम प्रहरीले जनाएको छ ।
