सामाजिक सञ्जालमा आएका योजना छनोट भएका होईन सिफारिस मात्र गरिएको हो : सांसद शाह
अछाम : अछाम क्षेत्र नं. २ बाट निर्वाचित प्रतिनिधी सभा सदस्य माननिय पुष्प बहादुर शाहले सामाजिक सञ्जालमा योजनाका बिषयमा आएका टिकाटिप्पणी प्रति आफ्नो ध्यानाकर्षण भएका जनाएका छन् । केही व्यक्तीले वास्तिविकता नबुझेर सामाजिक सञ्जालमा अनावश्यक भ्रम फैलाउने काम गरेको बताए ।
अछाम क्षेत्र नं। २ का पालिकाहरुका वडा तथा नगरबाट सिफारिसका आधारमा प्राप्त भएका योजनाहरुलाई मन्त्रालयमा पेश मात्र गरेको र उक्त योजनाहरु छनोट नभएको बताएका हुन् । योजनाहरु छनोटका लागि आफुले पहल कदमी गरी मन्त्रालयमा सिफारिस गर्दा समेत आलोचना भएको भन्दै उनले दुख व्यक्त गरेका छन् ।
मैले त गाँउ समाजको विकासको लागि सिफारिषका आधारमा प्राप्त योजनाहरु छनोटका लागि पहल गरिरहेको छु तर कतियपले त्यसलाई फरक ढंगले हेरेको भन्दै दुखेसो गरे । कांग्रेस अछामका सभापती समेत रहेका शाहले थप योजनाहरु छनोटका लागि सिफारिस गर्नुपर्ने भए प्रक्रियामा आएर आफु वा सचिवालयमा जानकारी दिन समेत उनले आग्रह गरेका छन् ।
