युवा सजगता अभियानले सदस्यबाट ३० रुपैया उठाएर आविष्कार केन्द्रलाई सहयोग
चिन्तन पौडेल नेतृत्वको युवा सजगता अभियानले आफ्ना सदस्यबाट ३० रुपैयाका दरले उठाएर महावीर पुनको राष्ट्रिय आविष्कार केन्द्रलाई सहयोग गरेको छ ।
युवा सजगता अभियानले युवा सजगता अभियानको पालो रु ३० को सहयोगमा हातेमालो अभियानसंग जोडिने हरेक सदस्यबाट एकवर्षसम्म आविष्कार केन्द्रलाई सहयोग गर्न रु ३० सहयोग जुटाउने निर्णय गरेको हो ।
सामाजिक विकासबाट नै राष्ट्रको उन्नती संभव छ भन्ने अभियानको सोच रहेको भन्दै अभियानका अध्यक्ष चिन्तन पौडेलले अभियानमा हालसम्म जोडिएका ३ सय ४० जना सदस्यहरुबाट उठेको १० हजार २ सय रुपैया आविष्कार केन्द्रको खातामा जम्मा गरेको विज्ञप्ती मार्फत जानकारी गराएका छन्।
