कांग्रेस अछामद्धारा जिल्लाका दश वटै तहलाई स्वास्थ्य सामाग्री वितरण

कांग्रेस अछामद्धारा जिल्लाका दश वटै तहलाई स्वास्थ्य सामाग्री वितरण

सरिता खड्का, अछाम :नेपाली कांग्रेस अछामले जिल्लाका दश वटै तहलाई स्वास्थ्य सामाग्री वितरण गरेको छ । जिल्ला कार्य समितीको पहलमा पार्टी सभापति भरत कुमार स्वारले जिल्लाका सबै तहलाई मास्क, हेण्डसेनिटाईजर लगायतका स्वास्थ्य सामाग्री वितरण गरेका हुन् ।

कोरोना भाईरसको संक्रमण फैलिन नदिन तथा रोकथाममा सहयोग पुगोस भन्ने हेतुले स्वास्थ्य सामाग्री विरतण गरिएको सभापति स्वारले बताए । कांग्रेस अछामले सुरुवाती देखि नै पार्टीका कार्यकर्ता लगायत सबै तहबाट अग्रपंक्तीमा रहेर कोरोनाका बिरुद्ध जिल्लामा सक्रिय भुमिका निर्वाह गरिरहेको सभापति स्वारको भनाई छ ।

सामाजिक दुरी कायम गरी जिल्ला कार्य समितीको पार्टी कार्यालय रहेको बिपि स्मृती भवन मंगलसेनमा स्वास्थ्य सामाग्री वितरण गरिएको जिल्ला सहसचिव एवंम प्रबक्ता बेदप्रकाश तिमिल्सैनाले जानकारी दिए ।

कोरोनाले निम्त्याएको बिषम परिस्थितीमा पनि कांग्रेस अछामले स्वास्थ्य सामाग्री वितरण गरेको भन्दै स्थानिय तहका प्रमुखहरुले पार्टीलाई धन्यवाद ज्ञापन गरेका थिए ।

यसैबिच जिल्ला पार्टी सभापति भरत कुमार स्वारले नेपाल प्रजातान्त्रीक सम्र्पक महासंघ अछामको जिल्ला अध्यक्षमा चयन भएका अर्जुन ताम्राकार र सचिव मिनबहादुर बोगटी तथा स्कुल अफ डेमोक्रेसी नेपाल अछामको अध्यक्षमा मनोनित भएका पदमराज अधिकारीलाई सोही क्रममा बधाई तथा शुभकामना दिएका थिए ।

सभापति स्वारले उनिहरुलाइृ माला र अबिरका साथ सम्मान गर्दै बधाई दिएका कांग्रेस अछामले जनाएको छ ।

Leave a Reply

Your email address will not be published. Required fields are marked *