बिहीबार मात्रै १७१ जनामा कोरोना पुष्टि

बिहीबार मात्रै १७१ जनामा कोरोना पुष्टि

काठमाडौँ : नेपालमा बिहीबार एकैदिन १७१ जनामा कोरोना संक्रमण पुष्टि भएको छ । नेपालमा एकैदिन उच्च संख्यामा कोरोना संक्रमित भेटिएको यो पहिलोपटक हो ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाकाअनुसार धनुषाका २९ जनामा कोरोना संक्रमण पुष्टि भएको छ । संक्रमित हुनेमा चार वर्षकी बालिका र ८ वर्षका बालक पनि छन् । अरु संक्रमित १४ देखि ७० वर्ष उमेर समूहका छन् । त्यस्तै बिहीबार झापामा २५ जनामा कोरोना संक्रमण पुष्टि भएको छ । कोसी अस्पतालमा गरिएको परीक्षणमा कचनाकवलका २५ जनामा कोरोना संक्रमण पुष्टि भएको हो ।

यता रौतहटका २० जनामा संक्रमण पुष्टि भएको छ । टेकुमा गरिएको परीक्षणमा १२ देखि ३० वर्षका ३ जना र धुलिखेल अस्पतालको प्रयोगशालामा गरिएको परीक्षणमा ८ वर्षीय बालिकदेखि ४० वर्षका पुरुषसम्म १७ जनामा संक्रमण देखिएको हो । त्यस्तै महोत्तरीका १७ जनाको रिपोर्ट पोजेटिभ आएको छ । उनीहरू १५ देखि ४५ वर्षका छन् । उता सर्लाहीका ७ र सिराहाका ६ जनामा कोरोना संक्रमण पुष्टि भएको छ ।

त्यसै गरि सप्तरीमा १४ जनामा संक्रमित थपिएका छन् । राष्ट्रिय जनस्वास्थ्य प्रयोगशाला, टेकुमा गरिएको गरिक्षणमा १८ देखि ४२ वर्षका १२ जना तथा वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा ३२ र ४७ वर्षका पुरुषमा कोरोना संक्रमण पुष्टि भएको स्वास्थ्य मन्त्रालयले जनाएको छ ।

यस्तै दैलेखमा ८ जनामा संक्रमण देखिएको छ । उनीहरू १७ देखि ४० वर्षका ७ पुरुष र २० वर्षीया महिला रहेका छन् । दोलखाका १९ र २० वर्षका दुई पुरुष, सोलुखुम्बुका ५५ वर्षका पुरुष, मकवानपुरका ५० वर्ष पुरुष र नवलपुरका १९ वर्षीय पुरुषमा पनि कोरोना संक्रमण पुष्टि भएको छ ।  पोखरामा गरिएको परीक्षणमा स्याङ्जाका ३ जनामा कोरोना पुष्टि भएको छ । संक्रमितहरू २२ र २६ वर्षका पुरुष र ४९ वर्षीय महिला रहेका छन् ।

उता सेती अस्पतालमा गरिएको परीक्षणमा दार्चुलामा पहिलोपटक संक्रमण देखिएको छ । दार्चुला महाकालीका २१ वर्षीय तथा कैलालीका २५ र ३० वर्ष गरी ३ जना पुरुषहरूमा संक्रमण देखिएको छ । यस्तै भेरी अस्पताल, नेपालगञ्जको प्रयोगालामा गरिएको परीक्षणमा बर्दियाका ३ र बाँकेका एक पुरुषमा कोरोना संक्रमण पुष्टि भएको छ ।

कपिलवस्तुमा बिहीबार २३ जनामा संक्रमण देखिएको छ । उता रुपन्देहीमा १ जना संक्रमित थपिएका छन् । कपिलवस्तुका २३ जनामध्ये विजयनगर गाउँपालिकाका ९ जना, कपिलवस्तु नगरपालिकाका १३ जना र महाराजगन्ज नगरपालिकाका एकजना रहेका छन् ।  पर्सामा ४ जना कोरोना थपिएका छन् । पर्साको पोखरीया नगरपालिकास्थित रामदेव साह कलवार स्कुल क्वारेन्टिनमा बसेका ४ जनाको पीसीआर परीक्षण रिपोर्ट पोजेटिभ आएको हो ।

बिहीबार साँझ म्याग्दी सदरमुका बेनीमा मालिका गाउँपालिकाका ३० वर्षीय एक जना पुरुषमा संक्रमण देखिएको छ ।  कपिलवस्तुमा भारतबाट फर्किँदै गरेका अर्घाखाँचीका १ जनाको भएको छ । उनमा पनि कोरोना पुष्टि भएको छ । उता पर्सामा ४ जनामा संक्रमण देखिएको छ ।  बिहीबार साँझ म्याग्दी सदरमुका बेनीमा मालिका गाउँपालिकाका ३० वर्षीय पुरुषमा संक्रमण देखिएको छ । नेपालमा हालसम्म ५ जनाको कोरोनाले मृत्यु भएको छ भने १९० जना निको भएर डिस्चार्ज भएका छन् ।

Leave a Reply

Your email address will not be published. Required fields are marked *