गजल – दीप दर्शन
कतै धोका हुनसक्छ पछि बिचार गर्नु
बिचार गर्नु निकै बिचार गरेर प्यार गर्नु
बन्दुक बोकेर दुश्मनको अखाडामा छु
कसरी भनौं म तिमीलाई इन्तजार गर्नु
आउ बस एकैछिन केहि बात मारौंला
हामी बेरोजगार त हौं किन हतार गर्नु
यो बजारमा ठगहरुको बिगबिगी छ !
जोगिनु ठगबाट जोगिएर ब्यापार गर्नु
गलत कुराको प्रचार गर्नु अपराध हो !
सत्य साँचो कुरा बुझेर मात्र प्रचार गर्नु
दीप दर्शन ,जाजरकोट
